Құрылғыны таңдалару – бұл белгіленген шарттарға сәйкес құрылғыларды сүзгілеуге арналған құрал. Бірнеше құрылғыны басқару үшін құрылғы таңдауларын пайдалануға болады: мысалы, тек таңдалған құрылғылар туралы есептерді көру немесе осы құрылғылардың барлығын басқа басқару тобына жылжыту.
Kaspersky Security Center бағдарламасы құрылғының алдын ала анықталған таңдауларының кең ауқымын ұсынады (мысалы, Критикалық күйі бар құрылғылар, Қорғаныс өшірілген, Белсенді қауіптер анықталды). Алдын ала анықталған таңдауды жоюға болмайды. Сондай-ақ, сіз қосымша оқиғалардың пайдаланушы таңдауларын жасап, конфигурациялай аласыз.
Пайдаланушының таңдауларында іздеу аймағын белгілеуге және барлық құрылғыларды, басқарылатын құрылғыларды немесе тағайындалмаған құрылғыларды таңдауға болады. Іздеу параметрлері шарттарда белгіленеді. Құрылғы таңдауларында әртүрлі іздеу параметрлері бар бірнеше шарттар жасауға болады. Мысалы, сіз екі шарт жасай аласыз және әрқайсысында әртүрлі IP ауқымдарын белгілей аласыз. Егер бірнеше шарттар белгіленген болса, құрылғы таңдауларына кез келген шартты қанағаттандыратын құрылғылар енеді. Керісінше, бір шартта іздеу параметрлері бір-біріне қабаттасады. Егер таңдау шартында IP ауқымы және орнатылған бағдарламаның атауы белгіленген болса, онда құрылғы таңдауларына бір уақытта көрсетілген бағдарлама орнатылған және олардың IP мекенжайлары көрсетілген ауқымға кіретін құрылғылар ғана кіреді.